ဒီတစ်ပတ် အင်တာဗျူးကဏ္ဍ အတွက် ရွေးချယ်ထားသူကတော့ အဆိုတော် ချစ်ကောင်းရဲ့ မျိုးဆက်သစ် သမီးငယ် အိမ့်ချစ်ပဲ ဖြစ်ပါတယ်။ ‘ရေစီးကြောင်းသံယောဇဉ်’ သီချင်းမှာ အဖေနဲ့ တွဲဆိုခဲ့တဲ့ သမီးငယ်လေး အဖြစ်ကတည်းက ထူးခြားတဲ့အသံနဲ့ ဆိုဟန်ကို ပရိသတ်တွေ သတိထားမိ စေခဲ့တာပါ။ သင်္ကြန်သီချင်းခွေ အပါအ၀င် အတွဲခွေတွေမှာ သူ့ရဲ့သီချင်းတွေကို ပရိသတ်အားပေးခဲ့ရာက ရဲလေးနဲ့ တွဲဖက် သီဆိုခဲ့တဲ့ ‘နှုတ်မဆက်ချင်ဘူး’ သီချင်းမှာတော့ အဆိုတော် အိမ့်ချစ်အဖြစ် ပရိသတ်က နေရာတစ်နေရာ ပေးထားခဲ့ပါပြီ။ ရှိုးပွဲပေါင်းများစွာ လက်ခံသီဆိုပြီးသလို ‘ယုဇနပင်နဲ့ ဖဲကြိုးဝါ’ ဇာတ်ကားမှာလည်း ပါဝင် သရုပ်ဆောင်ခဲ့တဲ့ အိမ့်ချစ်က တစ်ကိုယ်တော်စီးရီး ‘ကိုယ်တိုင်ရေးပုံတူ’ ကို ပရိသတ် လက်ထဲ ပို့ဆောင်ပေးနိုင်ခဲ့သလို တစ်ကိုယ်တော်ခွေ ဖြစ်လာတဲ့အထိ ကြိုးစားခဲ့ရတဲ့ ခရီးလမ်းက အခက်အခဲတွေကို ပြန်လည်ဖွင့်ဟရာမှာလည်း ၀မ်းနည်းမျက်ရည် ကျတဲ့အထိ ခံစားချက်တွေ ပြင်းထန်ခဲ့ပါတယ်။ ဖခင်ဖြစ်သူရဲ့ အရိပ်အောက်ကနေ ကိုယ်တိုင်ကြိုးစားမှု မှတ်တိုင်တွေ စိုက်ထူနိုင်အောင် ကြိုးစားခဲ့တဲ့ အိမ့်ချစ်ပြောပြခဲ့သမျှ အနုပညာရေးရာတွေကို ဖတ်ရှုခံစားကြည့်ပါဦး . . .
မေး ။ တစ်ကိုယ်တော်စီးရီးရဲ့ ခေါင်းစဉ်ကို ‘ကိုယ်တိုင်ရေးပုံတူ’လို့ ဘာကြောင့် ပေးဖြစ်တာလဲ။ အဲဒီအကြောင်းကစပြီး ပြောပြပေးပါလား။
ဖြေ ။ ‘ကိုယ်တိုင်ရေးပုံတူ’ ဆိုတဲ့ ခေါင်းစဉ်က အရင်ပေးပြီးသား ခေါင်းစဉ်ဖြစ်တဲ့အတွက် သိချင်ကြတဲ့သူ၊ မေးတဲ့သူ တော်တော်များပါတယ်။ ဘာကြောင့်ပေးဖြစ်လဲဆိုရင် အိမ့်ချစ် ၁၃ နှစ်သမီးဘ၀မှာ ဖေဖေ့ အမှတ်တရ လိုက်ဖ်ရှိုးမှာစပြီး ဆိုဖြစ်တဲ့အချိန်မှာ ပရိသတ်ရဲ့ အသိအမှတ်ပြုမှုကို စပြီး ရခဲ့ပါတယ်။ ဒီနောက်ပိုင်းနယ်တွေ မှာရော ရန်ကုန်မှာပါ ရှိုးပွဲတွေဆိုဖို့ လာငှားတော့ အိမ့်ချစ်မှာ ကိုယ်ပိုင်သီချင်း ဆိုဖို့မရှိဘူး။ ဒါကြောင့် အိမ့်ချစ် ဖေဖေ့သီချင်းတွေနဲ့ ဖျော်ဖြေဖြစ်ခဲ့ပါ တယ်။ နောက်ပိုင်းကျမှ ကိုရဲလေးနဲ့ သီချင်းတို့ သင်္ကြန်သီချင်းတို့ ကိုယ်ပိုင်ရှိလာပြီး ရှိုးတွေမှာ ဆိုဖြစ်တာပေါ့နော်။ အဲဒီလို ဂီတဖြတ်သန်းမှုအစမှာ ဖေဖေ့ သီချင်းတွေနဲ့ ဖြတ်သန်းခွင့်ရတာက အိမ့်ချစ်ဘ၀အတွက် အမှတ်တရပါပဲ။ ဒါကြောင့် ‘ကိုယ်တိုင်ရေးပုံတူ’ ဆိုတဲ့ ခေါင်းစဉ်လေးပဲ မြတ်မြတ်နိုးနိုးပြန် သုံးဖြစ်တာ။
မေး ။ တစ်ကိုယ်တော် ခွေလေးဖြစ်လာဖို့ ကြိုးစားခဲ့ရတဲ့ အပိုင်းကိုလည်း ပြောပြပေးပါဦး။
ဖြေ ။ အိမ့်ချစ်ရဲ့ တစ်ကိုယ်တော်ခွေ ဖြစ်လာဖို့ အခက်အခဲတွေ အများကြီး ကြုံခဲ့ရပါတယ်။ အခွေတစ်ခွေဖြစ်လာဖို့ သီချင်းစုတာ၊ အသံသွင်းတာ၊ အတီးပိုင်းတီးတာ၊ mixing ဆွဲတာ အစအဆုံးကို အိမ့်ချစ်ကိုယ်တိုင်ပဲ လိုက်လုပ်ခဲ့ရပါတယ်။ ပြောရရင် ၀မ်းနည်းအားငယ်တဲ့ ခံစားချက်တွေလည်း ခံစားခဲ့ရတယ်။ အခွေလုပ်နေတဲ့ အချိန်တစ်လျှောက်လုံးမှာ ညမိုးချုပ်မှ အိမ်ပြန်ရတယ်ဆိုတာ နေ့တိုင်းပဲ။ ဒီအတွက် သူများတွေရဲ့အထင်အမြင်လွဲခြင်းကိုတောင် ခံခဲ့ရတယ်။ ဒါပေမယ့် အိမ့်ချစ်ဖြစ်အောင် လုပ်မယ် ဆိုတဲ့ စိတ်တစ်ခုတည်းနဲ့ပဲ ကြိုးစားခဲ့ တာပါ။
မေး ။ အဖေ့ရဲ့ဂီတအမွေကို လက်ဆင့်ကမ်းတဲ့ သမီးတစ်ယောက်ရဲ့ ဂီတအနုပညာအပေါ် သဘောထားလည်း ပြောပြပါဦး။
ဖြေ ။ အိမ့်ချစ်မွေးကတည်းက သီချင်းတွေကြားမှာ ကြီးပြင်းခဲ့ရတာပါ။ အိမ့်ချစ်ရဲ့အိပ်ရာဝင်မှာ သီချင်းတွေနဲ့ ဖြတ်သန်းသလို မနက်မိုးလင်းချိန်တိုင်းမှာလည်း သီချင်းတွေနဲ့ပဲ နိုးထခဲ့ရတာပါ။ ပျော်ရွှင်ချိန်ကို သီချင်းတွေနဲ့ ဖြတ်သန်းသလို ၀မ်းနည်းနေချိန်မှာလည်း သီချင်းတွေနဲ့ပဲ ဖြတ်သန်းဖြစ်ခဲ့တာပါ။ ဒါကြောင့် သီချင်း တွေကို မြတ်နိုးပါတယ်။ နောက်တစ်ခုက ဖေဖေကလည်း ဒီဂီတအလုပ်နဲ့ပဲ အိမ့်ချစ်တို့ကို ရှာဖွေ ကျွေးမွေးခဲ့တာပါ။ ဒီအတွက် အိမ့်ချစ် ဒီပညာရပ်ကို အရမ်းလေးစားပါတယ်။ ဒီလို လေးစားတဲ့ ပညာရပ်တစ်ခုကို ကိုယ်တိုင် လက်ဆင့်ကမ်းခံယူနိုင်တဲ့ အတွက်လည်း အတိုင်းမသိ ၀မ်းမြောက် မိပါတယ်။
မေး ။ အိမ့်ချစ် အဆိုတော်တစ်ယောက် ဖြစ်လာခြင်းမှာ ဖေဖေ့ရဲ့ ကူညီပံ့ပိုးပေးမှုတွေကရော ဘယ်လောက် အရေးပါတယ်လို့ ထင်လဲ။
မေး ။ အရေးပါပါတယ်။ အိမ့်ချစ် အဆိုတော်တစ်ယောက် ဖြစ်လာဖို့ ဗီဇ ၀ါသနာပါလာတာကိုက ဖေဖေ့ဆီက ရလိုက်တဲ့အမွေပါပဲ။ ငယ်စဉ်ကာလ တစ်လျှောက်လုံးမှာလည်း ဖေဖေရဲ့ ကူညီပံ့ပိုးပေးမှုတွေနဲ့ပဲ ဂီတအလုပ် ကို တတ်မြောက်ကျွမ်းကျင် ခဲ့တာပါ။ အိမ့်ချစ်ဆိုပြီး ပရိသတ်စသိခဲ့တာကိုက ချစ်ကောင်းသမီး အနေနဲ့စပြီး သိခဲ့တာပါ။ ဒါကြောင့် အိမ့်ချစ်အဆိုတော် ဖြစ်လာခြင်းမှာ ဖေဖေက မရှိမဖြစ် အရေးပါတယ်လို့ ဆိုရမှာပါ။
မေး ။ အိမ့်ချစ်ရဲ့ဂီတဖြတ်သန်းမှုမှာ ‘နှုတ်မဆက်ချင်ဘူး’ သီချင်းကလည်း တစ်စိတ်တစ်ပိုင်း အရေးပါတယ်ဆိုတော့ အဲဒီသီချင်းနဲ့ပတ်သက်တဲ့ အမှတ်တရလေးလည်း ပြောပြပေးပါဦး။
ဖြေ ။ အဲဒီသီချင်းလေးက ကိုရဲလေး လာပြကတည်းက အိမ့်ချစ်အရမ်း ဆိုချင်ခဲ့တဲ့ သီချင်းလေးပါ။ တကယ်တမ်းဆိုရမယ့် အချိန်ရောက်တော့ အိမ့်ချစ်ဖျားပြီး နှာစေးနေတဲ့အချိန် ဖြစ်နေတယ်။ မဆိုမဖြစ် အသံသွင်း ရမယ်ဆိုတော့ အဲဒီအသံလေးနဲ့ပဲ ဆို ဖြစ်သွားတာ။ သီချင်းက အလွမ်းသီချင်းလေးဆိုတော့ အဲဒီအသံကပဲပိုပြီး လိုက်ဖက်သွားတာက အမှတ်တရပေါ့လေ။ နောက်ထပ် အမှတ်ရတာတစ်ခု က ဗီစီဒီရိုက်တုန်းကပေါ့။ လေဆိပ်မှာ သွားရိုက်တဲ့အချိန် အားလုံးကလည်း ၀ိုင်းကြည့်နေတော့ ချွေးတွေပြန်ပြီး ဘယ်လိုနေရမှန်း မသိဘူးဖြစ်နေတာ။ အဲဒါလေးတွေက အမှတ်တရ ပါပဲ။ ဒီသီချင်းလေးက ပရိသတ် ကြားထဲကို အတိုင်းအတာတစ်ခုအထိ ရောက်သွားပြီး အိမ့်ချစ်ကိုလည်း ပရိသတ် အသိအမှတ်ပြု စေခဲ့တာကြောင့် ကျေနပ်တယ်လို့ ဆိုရမှာပါ။
မေး ။ သီချင်းတွေဆိုနေရင်းက ‘ယုဇနပင်နဲ့ ဖဲကြိုးဝါ’ ဇာတ်ကားမှာ သရုပ်ဆောင် ဖြစ်သွားတာကရော။
ဖြေ ။ အဲဒါက ဆာတိုရီကုမ္ပဏီက ရိုက်ဖို့ လာပြောတာ။ အဲဒီကားမှာ အိမ့်ချစ်ကလည်း အပြင်က ကာရိုက်တာနဲ့ သိပ်မကွာဘူးဆိုတော့ အတွေ့အကြုံသစ် တစ်ခုအနေနဲ့ လုပ်ကြည့်မယ်ဆိုပြီး လက်ခံဖြစ်သွားတာ။ တကယ်တမ်းရိုက်ကူးတဲ့ အချိန်မှာတော့ အခက်အခဲတွေ အများကြီးပါပဲ။ အဓိကတော့ နယ်ပယ်နှစ်ခုကွာခြားတဲ့ အချက်တွေ အများကြီးပဲ။ အဲဒါတွေက အိမ့်ချစ်အ တွက် တော်တော်ခက်ခဲ စေခဲ့ပါတယ်။ ဒါပေမယ့် အိမ့်ချစ်အနေနဲ့ကတော့ တတ်နိုင်သမျှ ကြိုးစားပြီး လုပ်ပေး ဖြစ်ခဲ့တယ်။
မေး ။ ဂီတနယ်ပယ်ကသူတွေက ရုပ်ရှင် နယ်ပယ်ဘက်ကို ပြောင်းကြတာတွေ ရှိတော့ အိမ့်ချစ်အနေနဲ့ရော ပြောင်းဖြစ်မယ့် သဘောလား။
ဖြေ ။ ဇာတ်ကားထပ်ရိုက်ဖို့တော့ အစီအစဉ်မရှိတော့ပါဘူး။ သီချင်းဆိုတယ်ဆိုတာက ကိုယ်ကျွမ်းကျင်ပြီးသား နယ်ပယ်တစ်ခုလေ။ သရုပ်ဆောင်ဆိုတဲ့ နယ်ပယ်ကတော့ အိမ့်ချစ်လည်း မကျွမ်းကျင်သလို ဆက်ဆံရတဲ့ ပတ်ဝန်းကျင်ဆိုတာလည်း အရမ်း ကျယ်ပြန့်တယ်။ ပြောရရင်တော့ တစ်ကားတည်းနဲ့ကို တော်တော်လေး ခက်ခဲသွားခဲ့တယ်လို့ ဆိုရမှာပါ။ ဒါကြောင့် နောက်ကားတွေ ဆက်ရိုက်ဖြစ်မှာ မဟုတ်ပါဘူး။
မေး ။ ပြည်ပရှိုးပွဲက ဘယ်သွားဖို့ ရှိတာလဲ။
ဖြေ ။ လောလောဆယ်တော့ ဦးညီထွဋ်တို့နဲ့ မလေးရှားသွားဖို့ရှိတယ်။ အိမ့်ချစ် အပါအ၀င် အဆိုတော် ကိုးဦးတို့ သြဂုတ်လကုန်ပိုင်းမှာ သွားဖြစ်မှာပါ။ Emperor Band က တီးခတ်ပေးပါမယ်။
Ref: Eleven Media Group
